Ola de novo familias aínda que seguimos
de ponte polo hoxe querémosvos ofrecer un novo recurso de entretemento para os
pequenos, levamos xa algúns días na casiña e non nos ven mal un pouquiño de
movemento, así que propoñemos asistir a un concerto online a cargo do músico
Paco nogueiras. Para acceder premede na imaxe, se vos da problemas teriades
que ir ao buscador de Facebook e poñer Paco Nogueiras Nodar para acceder ao seu
perfil, alí aparece un vídeo onde vos explica os detalles deste concerto.
Animádevos, pode ser divertido!
E recordade que unha das actividades máis importantes que
podemos facer cos nenos é a lectura, lede todos os días aínda que nos non o
propoñades como tarefa, lede por pracer, lede cos nen@s e lede tamén vos como
adultos, porque somos o mellor modelo que poden ter.
Durante este fin de semana tamén vos invito a que faledes
moito con eles, preguntádelle que lles apetece facer, podedes inventar algún
xogo xuntos de aínda que tamén é importante que xoguen libremente de forma que
fomentemos a súa creatividade e aprendizaxe porque esta é a maneira máis
natural que teñen de aprender os cativ@s. Por suposto podedes enviarnos tamén as
ideas que se vos ocorran ao noso correo (abanqueiro4@gmail.com), seguro son moi
creativas!
No hay comentarios:
Publicar un comentario