ACTIVIDADES MARTES 24 DE MARZO

Estimadas familias, as actividades para o día de hoxe son as seguintes:

1º Rutinas: igual que os días anteriores facemos as rutinas do calendario.

 Podemos convertir tamén nunha rutina o de debuxar o virus na man, para que laven a miúdo as manciñas e desparezca dunha vez por todas este virus que nos está a visitar. Podedes facer un rexistro de cada día para ver se conseguiron ou non eliminar o virus da man.

 Ademais podedes seguir facendo algunhas actividades sobre a vida práctica, documento que deixamos colgado xa no día de onte.

    2º Seguimos sendo súper heroes: e traballando co conto Rosa Contra el virus, que enviamos onte. Recordaremos o conto e faremos a segunda actividade que nos propoñen no mesmo (debuxa o virus como un monstruo e busca ideas para vencelo) Podedes debuxar o virus ou representalo co material que queirades. Unha idea sería aproveitar a plastilina que fixemos o outro día para darlle forma, ou usar diferentes papeis. Se queredes podedes mandarnos algunha fotografía do virus que fagades.

     3ºActividade impresa: Escolleremos unha das que non teñamos feitas xa e realizamos algunha actividade de lóxico matemática (páxinas 1, 2, 3 ou 4) do documento de actividades impresas. Tamén podedes practicar a facer a grafía dos números nun tupper ou caixa con arroz, fariña, area ou con calquera material que permita o trazo, deixo unha imaxen para que vos fagades unha idea (como se mostra na imaxe deberían reepasar primeiro a tarxeta da grafía e logo trazala)

    4º Hoxe toca actividade de movemento: na batería de actividades que deixamos a semana pasada había algúns xogos que podíamos realizar para mover un pouco o esqueleto (3 pasos dunha formiga ou a pita cega). Escollede un xogo da batería, ou calquera outro que a vós vos guste e a xogar. O importante é pásalo ben e moverse un pouco.

·      E coma sempre lede e xogade moito con eles, pois son as mellores maneiras de aprender.

NOTA: ide gardando tapóns que vaiades usando, xa que, nos vindeiros días imos propoñervos unha actividade na que os imos precisar.

   Para calquera dúbida seguimos esperando os vosos correos ten a través do e-mail da aula: ceipabanqueiro-4anos@aulaweb.eu