Comezamos nova semana e novas propostas, as de hoxe son:
1º Rutinas: Como cada día facemos a rutina do
calendario.
Engadimos tamén unha nova recurso, unha batería de actividades
relacionadas coa rutinas diarias da casa coa intención de vos as vaiades facendo ao voso ritmo se desexades.
2º Enredamos cun pequeno xogo matemático,
trátase de buscar obxectos segundo unha característica determinada Ex: elementos
para realizar unha determinada actividade, por forma (cadrados, círculos, etc),
cor (marrón, amarela...), ou a que vos desexedes, deberedes darlle un tempo límite para buscalos (poñerlles
un reloxo de area ou cotar por exemplo ata 20). Unha vez que os teñan deberán dicir
cantos elementos cren que conseguiron aproximadamente, logo contaranos para ver
si acertaron.
3º Podedes elixir algunha actividade impresa de
atención da batería de actividades que xa tiñamos (corresponderíanse coas das
páxinas 7 e 8 do documento)
3º Seguimos cos retos para super héroes, nesta ocasión queremos
presentarvos o conto dunha nena que coma nos loita contra o virus. Ao
final do conto ides atopar unha serie de actividades, podedes facer a primeira
se o desexades. Tamén vos atoparedes cunha serie de orientacións para as
familias que nos parecen interesantes (podedes descargar o conto en PDF premendo na imaxe)
No hay comentarios:
Publicar un comentario