ACTIVIDADES SEMANA 11 AO 15 DE MAIO

ACTIVIDADES PARA O LUNS 11

1. RUTINAS Rodeamos no calendario o día de hoxe e debuxamos o tempo que fai. Logo recordamos o día da semana, día do mes, ano e estación na que estamos. A continuación pedímoslle que coloquen tantos obxectos (palillos, pompóns, garavanzos, etc) como o número do día do mes no que estamos, coma sempre, procurade que os coloquen en fila e que comecen contando de esquerda a dereita dende o primeiro. Logo podemos contar tamén con retroconta e dicir, cara atrás, cada vez que contamos retiraremos un obxecto dos que colocamos anteriormente ata que nos queden 0.

Non esquezades seguir coloreando a flor das emocións, ao final do mes teremos unha idea de como foron mudando as nosas emocións ou cal foi a emoción que máis sentimos durante este mes.

E por suposto podedes elixir actividades de vida práctica para facer cando decidades.

2. CONTO

Hoxe toca conto, par iso debedes queremos deixarvos un novo recurso, unha canle de televisión dixital na que poderedes atopar unha man chea de contos desta editorial premede na imaxe para entrar

http://www.kalandraka.tv/es/seccion2.php?id=33

Debedes escoller un conto que a vós vos guste (xa sabedes, pode ser dos que teñades na casa ou dos recursos que vos ofrecemos) e facer unha das actividades da batería de contos que non realizaras aínda. Esta actividade é obrigatoria.

Volvo a adxuntar a batería de actividades dos contos así como a ficha para realizala por se fose necesaria. Premede nos enlaces para descargar.

BATERÍA ACTIVIDADES CONTOS

FICHA CONTOS

3. ACTIVIDADE subitización

Seguimos traballando co método ABN, neste caso o aspecto que traballamos é a subitización, ou o que é o mesmo, recoñecer unha cantidade cun simple golpe de vista, sen necesidade de contar. A subetización é unha fase previa a estimación e serve tamén para mellorar o cálculo mental. Previamente a realización do traballo en papel podedes presentarlle o seguinte xogo interactido, premede na imaxe

http://www.penyagolosaeduca.com/ca/cuanta-fruta-has-visto-1-5/

Unha vez rematado o xogo deberán realizar a actividade impresa que podedes descargar premendo no botón

https://drive.google.com/open?id=1L1nXqGGqYhUNlyWfwA3tW1SGScRaTIJr

Deben tirar un dado e pintar os botóns que teñan o mesmo número que lles toque

👉 AVISO REVISADE A ACTIVIDADE DO EXPERIMENTO PROPOSTA PAR AO MÉRCORES, POIS ESE DÍA FAREMOS UN EXPERIMENTO E IGUAL NECESITADES ADQUIRIR ALGÚN MATERIAL.

ACTIVIDADES PARA O MARTES 12

Non esquezades seguir coloreando a flor das emocións, ao final do mes teremos unha idea de como foron mudando as nosas emocións ou cal foi a emoción que máis sentimos durante este mes.

E por suposto podedes elixir actividades de vida práctica para facer cando decidades.

2 ACTIVIDADE 15 XOGANDO A DESCOMPOÑER

Hoxe vamos unha actividade de lóxica. Trátase de descompoñer os números(e dicir, dividir, neste caso en 2 partes) con axuda de pinzas e perchas. Polo que ides necesitar de ambos materiais.

Pinzas pequeñas, bolsa 45 u. colores (Apli) • Noé Didácticos

Primeiro os cativos/as deben contar o número de letras do seu nome e escribilo na camiseta, logo colocarán tantas pinzas na percha como indique ese número.

Unha vez colocalas deben separalas en 2 grupos, de tantas maneiras como sexa posible, farano movendo as pinzas de un lado a outro, desta maneira comezan a comprender que aínda que as separemos de diferentes formas, ao xuntalas sempre seguirá habendo a mesma cantidade de pinzas totais.

Cada vez que fagan unha descomposición deberán represantala no papel e así sucesivamente ata atopar todas as posibilidades tal como se aprecia na foto.

A esta actividade xa temos xogado varias veces na aula aínda que normalmente facémolo cos dedos das mans.

Esta actividade é a obrigatoria do día de hoxe (podedes atopala no dossier de actividades impresas, ao final da entrada)

3 ACTIVIDADE 16 Hoxe ides ter que usar tesoira e pegamento para recompoñer unha palabra,

(esta actividade atópase no arquivo de actividades desta semana, ao final da entrada)

ACTIVIDADES PARA O MERCORES 13

Non esquezades seguir coloreando a flor das emocións, ao final do mes teremos unha idea de como foron mudando as nosas emocións ou cal foi a emoción que máis sentimos durante este mes.

E por suposto podedes elixir actividades de vida práctica para facer cando decidades.

2 EXPERIMENTO ARCO DA VELLA nun vaso

Esta semana seguimos cos experimentos. Desta vez vamos intentar recrear un arco da vella nun vaso ou bote de cristal

Necesitamos:

- Mel

- Xabón a ser posible sen cor ou de cor azul

- Auga

- Aceite

- Alcohol

- Colorante alimentario ou témpera

- Xiringa de plástico ou pipeta (se o vedes necesario)

Procedemento:

Paso 1: Mesturamos mel cunhas gotas de colorante vermello e azul (para crear a cor púrpura) e reservamos.

Paso 2: Mesturamos xabón azul ou con colorante azul.

Paso 3: Mesturamos auga con colorante verde (ou amarelo+ azul)

Paso 4: Mesturamos alcohol con colorante vermello.

Paso 5; Vertemos a mestura con mel (cor violeta) no bote ou vaso, logo incorporamos a mestura con xabón (cor azul), a continuación a mestura de auga (cor verde), logo incorporamos a mestura de aceite (cor vermello) e por último incorporamos o alcohol con colorante vermello.

Paso 6: Si queremos ver mellor as cores poñemos o bote ou vaso ante unha fonte de luz, si o poñemos nunha ventana onde incida a luz solar incluso nos poden reflexar as cores.

IMPORTANTE unha vez feito debedes ter coidado de non movelo demasiado, pois o líquido mesturaríase e perderíamos o seu efecto visual.

Deixamos un vídeo no que se realiza un experimento similar

Na seguinte foto podedes ver como nos quedou a nós

ACTIVIDADE ARCO DA VELLA

Unha vez feito o experimento vamos representalo en papel pinchade no enlace para acceder e imprimir o documento.

https://drive.google.com/open?id=1wYkwOQfdzUcwoTm3jV-zna0dB0M8exPb

Esta será a actividade obrigatoria de hoxe

3 ACTIVIDADE 17 Serás quen de continuar? presta moita atención e acertarás. (debedes descargar a ficha do documento adxunto de actividades, hoxe podemos deixar aos cativos que sexan eles mesm@s quen atopen a actividade, o truco está en que busquen o número 17, fácil no?)

ACTIVIDADES PARA O XOVES 14

Non esquezades seguir coloreando a flor das emocións, ao final do mes teremos unha idea de como foron mudando as nosas emocións ou cal foi a emoción que máis sentimos durante este mes.

E por suposto podedes elixir actividades de vida práctica para facer cando decidades.

2 “GALERÍA EN CUARENTENA”

O museo Getti iniciou esta divertida proposta que lanzou ao mundo a imitar obras de artistas tan famosos Munch, klim, Warhol e ata Banksy. A intención é que vos tamén representedes as vosas obras artísticas, podedes elixir entre outros artistas famosos de artistas que poden Van Gogh, Magritte, Da Vinci, Matisse, entre outros moitos ou buscar entre as obras de outros artistas máis achegados a nós como pode ser Seoane, Maruja Mayo, Laxeiro, Alfonso Costa etc, Como vedes tedes múltiples posibilidades

Deixámosvos varios exemplos de obras representadas por persoas que se sumaron a este reto. Velaí van!

Tamén vos deixamos algúns enlaces a outros museos que podedes visitar, premede nos enlaces para acceder

https://www.museodelprado.es/coleccion?gclid=CjwKCAjwqdn1BRBREiwAEbZcR8I50LjinM34Bber-E9j5mO4VjNQ7ndwUP0J9on2fDzgZW81tq7SxhoCHT0QAvD_BwE

Museo do prado

Museo Thyssen

https://museos.xunta.gal/gl/visitas-3d-museos

Museos de Galicia

Esperamos con ansia as vosas creacións!

3 ACTIVIDADE 18 Prestade atención e acertaredes (atoparedes a actividade no arquivo desta semana, ao final da entrada) Hoxe esta actividade é a obrigatoria.

ACTIVIDADES PARA O VENRES 15

Non esquezades seguir coloreando a flor das emocións, ao final do mes teremos unha idea de como foron mudando as nosas emocións ou cal foi a emoción que máis sentimos durante este mes.

E por suposto podedes elixir actividades de vida práctica para facer cando decidades.

3. ACTIVIDADE 19 “ A Boiro chegou un barco cargadiño de..”

Esta é unha actividade adaptada do xogo da habana chegou un barco cargado de…." Na versión oral elíxese unha letra inicial e os xogadores pensan un obxecto que podería cargarse ao barco que comece por unha inicial. Nesta ocasión despois de dicilas terán que escribilas ou debuxalas. Primeiro deberemos facelo de forma oral, para que non perdan o fío ao escribilas podédeslle axudar escribindo vós noutra folla, logo teriades que lerllas para que poidan escribilas, dependendo do ánimo co que se atope cada neno/a poden escribilas eles, ou copialas.

(Podedes descargar a actividade no arquivo de actividades desta semana ao final da entrada)

3.VENRES DE CONCERTO, “Ce e a orquestra pantasma” presenta: “Para xogar cantar e bailar”

Hoxe invitámosvos a un concerto da man de “Ce e a orquestra pantasma” Esta actuación foi preparada para levar a cabo durante o Salón do Libro de Pontevedra pero, dadas as circunstancias que nos acaen tívose que anular, polo que este artista, decidiu ofrecer esta actuación dende a súa casa, de xeito que puidese chegar a todos os cativ@s. O espectáculo faranos bailar, gozar e divertirnos tanto aos nen@s como aos maiores.
Animádevos, merece a pena!

Hoxe douvos liberdade para elixir a obrigatoria

ARQUIVOS ADXUNTOS

DOSSIER ACTIVIDADES SEMANA 11 AO 15 DE MAIO

E coma sempre recordade seguide desfrutando dos paseos ao aire libre, lendo e sobretodo xogando pois...